Stoffer Kikkert - Wie Zijn Wij

Wie Zijn Wij

gepost door Stoffer Kikkert op wo 18 jun 2008

Wie Zijn Wij

Laten wij ons even voorstellen:
Wij zijn Arendje en Stoffer Kikkert woonachtig in Elim een mooi dorp met 2500 zielen in het zuiden van Drenthe. Wij zijn in 1961 getrouwd en hebben 3 kinderen maar daarover later meer.

[img=91 width=400]

Aan de hand van foto"s en verhalen wil ik jullie laten zien hoe onze ouders en grootouders leefden en hoe wij grootgebracht zijn in een tijd die voor onze kinderen en kleinkinderen niet te bevatten is.

Het is tegenwoordig de gewoonste zaak van de wereld om de kraan open te draaien voor een emmer schoon water of om de knop om te draaien om het licht te laten branden en het huis moet van onder tot boven verwarmt zijn, en denk ook eens aan de auto wie kan er heden ten dage nog zonder.
Ik ben dus voornemens u mee terug te nemen in een tijd die voor ons armoedig was maar tevens ook best spannend en dan denk ik in het bijzonder aan de oorlogsjaren en de wederopbouw daarna.

Maar ook wil ik de hedendaagse tijd niet vergeten en zal ik u met dit gewldige fenomeen de computer op de hoogte houden van de daagse dingen om ons heen in de vorm van wissewassies en leuk
Ook de familienieuwtjes laten we de revu passeren voor zover het natuurlijk het daglicht kan verdragen want het mag natuurlijk geen roddelpagina worden.

Deze site is dus speciaal voor al onze familieleden vrienden kennissen en andere belangstellenden.
 
Wij zijn dus Arendje en Stoffer Kikkert we zijn 46 jaar getrouwd en we hebben 3 kinderen Meta (1962) Fakie (1964) en Bert (1968) we hebben 18 jaar aan de Carstensdijk gewoond waar dus onze 3 kinderen zijn geboren en we wonen nu al weer ruim 28 jaar aan de Ds v Elvenstraat in Elim en daar is het prachtig wonen.

Onze 3 kinderen zijn allemaal getrouwd en hebben ook al weer kinderen onze kleinkinderen dus en dat zijn er 7. Meta is getrouwd met Willie Langenberg en hebben 2 kinderen Amber en Willy.
Fakie is getrouwd met Willy Stubbe en die hebben samen 3 kinderen Stefan Celine en Carmen. En Bert onze jongste is getrouwd met Anita Bakker en zij hebben 2 kinderen Sylvana en Bryan.

Eingelijk is t hier allemaole begunt:
Wij wollen trouwn en waarn op zuuk naor een huus.
Wij woonden allebeide an "t zuderopgaonde toen as wij verkering kregen mar wij hadden mekaar natuurlijk al veule vaker eziene.
[img=93 width=400]
Arendje woonde op nr 60 en ikke op nr 84 bij de meule en dan spreek ie mekaar wel ies en zo is de verkering ankomen en ai dan een paar jaor verkering hebt dan gaoi ies utkieken naar woonruumte want dat was in de jaoren "60 ok al schaars, via een kennis heurden wij dat bij Engbert Hagedoorn "t kamertie leeg kwaamp nou wij mar ies een aomt naar Engbert hen praoten mar an "t ende van de aomt wussie niet ai um nou bij de kop of bij de konte hadden want Engbert hadde hielemaol gien oren naor oen problemen die wol niks liever as aover vrouwlu praoten dus dat scheut niet op.
Tot dat ik op een Maandagaomt Jan Schonewille tegenkome, Jan warkte bij Rieks Boertien op de Bontweverije in Slagharen en die wus ok dat as wij trouwplannen hadden toen zeg Jan tegen mij morgen wordt Rieks Boertien zien huus verkocht want Rieks woonde vrogger naost zien schoonvolk an de carstensdiek mar toen die allebeide storven waarn wol de familie "t huus verkopen.En umdat Rieks een gedeelte van zien schoonva huurde wol die dat gedeelte natuurlijk graag zulf kopen want as een aandere het kochte mus Rieks mit Umpie verhuzen mar het hele huus dat worde Rieks te duur want het was al inzet op 10.000 gulden nou en dat was niet niks.
Dus Rieks wol graag mit iene samen thuus kopen vandaor dat Jan Schonewille mij die tip gaf, ik heb dan ok "s avonds direkt toen mien va weerkwaamp van zien wark hum verteld dat het huus van Rieks Boertien verkocht worde op een verkoop bij Berend Fieten.
Op zo"n moment dachte mien va niet lange nao en zei wij gaot vanaomt hen kieken nou zo gezegt zo gedaon wij bint direkt nao "t eten naor Rieks egaone en samen binne wij mit een zakloggie deur thuus elopen want het elektrisch was ofsleuten en wij mussen saamen ok nog een plan maken want de verkoop was de andere dag al bij cafe Fieten an "t zuuderopgaande.
Wij spreuken "s avonds af dat mien va thuus zul kopen en dan nam Rieks veur de helfte zien gedeelte weer aover dat was natuurlijk wel een vertrouwenskwestie mar dat hadden de meensen toen nog.
Rieks zei toen tegen mien va Berend wat oeu die kaante weerd is dat is mij disse kaante weerd ik stao oeu half.
[img=94 width=400] 
Het was Dinsdagmiddag 7 Meert 1961 de dag van de publieke verkoop het hiele café bij Berend Fieten zat vol meestal meer kiekers as kopers mar dat is bij zo"n verkoop normaal de paander leest eerst de kondieties veur en verteld dat het hiele paand is inzet op 10.000 gulden het zul dus best een zenuwslopende middag worden.
In de jaorn "60 gunk een publieke verkoop nog bij opbod later is dat aans worden en nou gebeurt het allemaole bij afslag, het was dus toen zo wie het meeste beud was koper mar ie kunn het mekaar dus ok wel duur maken en de paander begunde dan ok bij 10000 gulden en ai dan knikten of de vinger opsteuken kwaamp er weer 100 gulden bij en zo waarn er de eerste paar duizend gulden nogal gauw bij mar toen worde het veur de meeste bieders toch te duur en de iene na de aandere heuld um stille op 2 nao en dat was mien Va en Geert Kroezen want Geert wol ok graag zo"n dubbel huus hebben veur twee jongens van hem, mar ik begunde hum al een beetie te kniepen want ik dachte elke duuzend gulden die as er bij komp mut ik er 500 van betaaln mar mien Va en Geert beuden deur en wij zaten al aover de 15000 gulden en ik dachte bij mijzelf van mij mai wel stoppen geeft Geert mar gelok dan bent wij der of mar mien va wus van gien ophaoln.
[img=476 width=400 align=left]
Zo tussendeur keek ik mien Va ies an en die knikte van "t komp wel goed wij red dat wel en ik hadde daor dan ok alle vertrouwn wel in mar in elk geval het kwaamp zo wiet dat bij 15900 gulden er een stilte veult en mien Va der nog een keer aoverin gung en Geert Kroezen heult hum stille en op 16000 gulden sleug de paander of en zei Berend Kikkert hef gelok, en dan begunt het geroezemoes in de zaal en heur ie de meensen fluustern van wat mut Berend Kikkert nou mit dat huus van Klaos Slachter mar toen as Rieks Boertien en Stoffer Kikkert bij de Notares an de taofel mussen komen um de verlopige koopakte te tekenen toen hadde "t volk in de gaten waarumme as Berend Kikkert "t huus van Klaos Slachter kocht hadde.Um van de schrik te bekomen hebbe wij mar een borrel neum de akte worde tekent en toen heb ik direkt mar eem naor "t Hoogeveene belt naor Notares Fledderus want daor warkte mien a s vrouwe hum heur het heugelijke nijs te verteln dat as wij het huus kocht hadden zij zee komt mij dan mar ophaaln nou dat was veur mij gien probleem dus ikke op de fietse en rap naar "t Hoogeveene fietst um mien verloofde op te haaln en saamen binne wij weer trogge fietst naar "t Hoekie. Wij kwaamen bij Arendje zien va en moe in huus stappen toen ze net an "t eten waarn want wij hadden onderweg een beetie ummedauweld en zodoende waare wij wat an de late kaante toen as wij binnen kwaamen keken ze raar op umdat ik daor ok bij was en Arendje zien va hadde schienbaar wat in de gaten want hij vreug dan ok meteene wie hef vandaage het huus van Klaos Slachter ekocht en toen hebt wij hum verteld dat mien Va dat ekocht hef mar dat het huus veur oons is, het worde effen stille an de taofel want ze mussen toch eem van de schrik bekoom mar toen filsiteern ze oons allemaole met ons nije stekkie.
[img=95 width=400]
Ondanks dat de pries hooge was in die tied waare wij er toch bliede mit en Rieks Boertien al helemaole want die kun blieven woon waor as hij woonde en wij waarn ok bliede want wij kunn gaon trouwn wij hebt dan ok direkt plann maakt um in ondertrouw te gaon en de trouwdaotum worde vastelegd op 10 Mei 1961 dat was op een Woensdag veur Hemelvaortsdag dan hadden wij geliek een lang weekend. Mar eerst mussen er nog aandere dingen eregeld worden want er mus immers ok nog geld koom um "t huus te betaaln mar daor hadde wij ok nog weer een beetie gelok mit want bij die Notares waor as Arendje warkte die was ok Veurzitter van de spaarbank in "t Hoogeveene kiek en ai mar eenmaol een goeie kruulewaang hebt dan koom ie een ende vort, en zo kreegen wij ok veur die tied een dikke hyphootheek van 5000 gulden en dan te bedeenken dat ak mar 70 gulden in de weeke verdiende wij bint de 10e Mei 1961 trouwt in "t Hoogeveene en wij hebt an de Carstensdiek 18 jaor mit veul plezier woont daor bint ok onze 3 kiender geboorn mar toen as wij begunt bint mit de leesmap woln wij toch liever in "t dorp woonn dus zodoende hebbe wij een huus in Elim kocht waor as wij ok al weer 28 jaor mit veul schik woont.  
[img=96 width=400]
Mar ja wij wordt ok aolder en de kiender bint allemaole de deure ut en nou wordt het huus oons veul te groot en hebt wij dan ok besleuten um het mar te verkopen en wat kleiner te gaon woonn.Dus belangstellenden veur een groot huus mit 5 slaopkamers kunt contaktmit mij opneem dan kunt wij aover de pries onderhandeln.

Jammer mar ie bint te laate oons huus is inmiddels verkocht.[img=411 width=400 align=left]
En wij bint inmiddels ok al verhuust want wij hebt een mooi stekkie evunn an de prieswieke een mooi klein huussie mit alles geliekvloers en hier haope wij nog lange van oonze AOW te genieten.
[img=136 width=400 align=left][[img=476 width=400 align=left]